Canfyddwch ddoniau gorau diwydiant gyda’n cynllun am ddim i recriwtio graddedigion.
Fe gewch fynediad am ddim at ein cyfres o sgiliau arbenigol ar gyfer recriwtio graddedigion dawnus a all ateb y galw am ddadansoddwyr, gwyddonwyr data, ac unigolion a chanddynt gefndir mewn busnes, Technoleg Gwybodaeth, mathemateg, ac economeg.
Beth yw’r Cynllun Graddedigion?
Nod Cynllun Graddedigion Prifddinas-Ranbarth Caerdydd yw cynyddu cynhyrchiant, arloesedd a thwf economaidd drwy gysylltu graddedigion dawnus â busnesau uchelgeisiol yn y deg awdurdod lleol o fewn Prifddinas-Ranbarth Caerdydd. Mae’r Cynllun Graddedigion yn cynnig y gwasanaethau AM DDIM canlynol i fusnesau:
- Gallwn baru’ch rôl yn uniongyrchol â doniau graddedigion tra medrus yn y rhanbarth.
- Gallwn weithredu trosiant cyflym i ymateb i’ch anghenion (rhwng 2-4 wythnos).
- Gallwn gynnal yr holl broses recriwtio o bell: hysbysebu, trefnu rhestr fer, asesu a chyfweld*.
- Gofynnir i ymgeiswyr ddarparu CV fel rhan o broses sydd wedi’i symleiddio.
- Rydym wedi gweithio â busnesau ledled y rhanbarth i ddarparu rolau mewn peirianneg, labordai, marchnata, Adnoddau Dynol, cyllid, Technoleg Gwybodaeth a datblygu busnes. Cyflog cyfartalog o £18k – £25k.
- Cymhwyster a ariannir yn llawn ar gyfer graddedigion i gynorthwyo ac i gydategu’u datblygiad o sgiliau proffesiynol yn y gweithle.
*cyfweliad i’w gynnal gan y cyflogwr.
4
o brifysgolion lleol mewn partneriaeth: Prifysgol Caerdydd, Prifysgol Metropolitan Caerdydd, Y Brifysgol Agored a Phrifysgol De Cymru.
20
o geisiadau am bob rôl ar gyfartaledd wedi’u derbyn.
87.5%
o Gyflogwyr wedi cynnig neu’n bwriadu cynnig rhagor o gyflogaeth i’w person Graddedig.
100%
o Gyflogwyr fyddai’n argymell Cynllun Graddedigion Prifddinas-Ranbarth Caerdydd i sefydliadau neu fusnesau eraill.
Pam ein defnyddio ni i lenwi’ch rolau ar gyfer graddedigion?
Hyblygrwydd er mwyn bod yn addas i chi
Mae ein hymagwedd tuag at y broses recriwtio yn hyblyg, yn addasadwy ac mae wedi’i llunio’n hollol bwrpasol ar gyfer anghenion eich busnes. Rydym yn darparu cyngor arbenigol ac yn ystyried pa bryd yr hoffech recriwtio, pa fath o berson graddedig rydych yn chwilio amdano/amdani, hyd y rôl, sut yr hoffech lunio’r broses asesu a’ch rhan chithau ynddi.
Addasrwydd diwylliannol
Rydym yn gweithio’n galed i ddeall diwylliant eich busnes a’ch dynameg o ran gweithredu fel ein bod yn gallu sicrhau ein bod yn cynnig ymgeiswyr fydd yn addas yn ddiwylliannol. Mae gan bersonoliaeth a meddylfryd werth sy’n gydradd â sgiliau ac arbenigedd technegol. Gallwn ganfod yr ymgeisydd cywir ichi gyda’r rhinweddau a’r gwerthoedd addas rydych chi’n chwilio amdanynt.
Codi proffil ym Mhrifddinas-Ranbarth Caerdydd
Rydym yn cynnig cyfleoedd marchnata a chysylltiadau cyhoeddus (tystebau, astudiaethau achos ar y wefan, erthyglau nodwedd ynglŷn â diwydiant ac erthyglau nodwedd graddedigion Prifddinas-Ranbarth Caerdydd) i godi proffil eich busnes ac ymwybyddiaeth ohono o fewn Prifddinas-Ranbarth Caerdydd.
Partneriaeth â phartneriaid sy’n awdurdodau lleol a chymorth i fusnesau
Caiff ein cynllun gefnogaeth lawn ein timau Datblygu Economaidd a Rhanbarthol o fewn y 10 awdurdod lleol a sefydliadau allweddol sy’n rhoi cymorth i fusnesau (Busnes Cymru, Siambr Fasnach De Cymru, Ffederasiwn Busnesau Bach, Partneriaeth Sgiliau Prifddinas-Ranbarth Caerdydd), sy’n golygu y gallwn fanteisio hyd yr eithaf ar y cymorth rydym yn ei ddarparu i chi a sicrhau sylw ychwanegol i’ch cyfleoedd.
Partneriaeth ag addysg uwch
Rydym wedi partneru’n swyddogol â’r pedair prifysgol ym Mhrifddinas-Ranbarth Caerdydd (Prifysgol De Cymru / Prifysgol Metropolitan Caerdydd / Prifysgol Caerdydd / Y Brifysgol Agored yng Nghymru) sy’n cefnogi ac yn hyrwyddo’r cynllun ac sy’n rhoi mynediad dihafal inni at eu graddedigion o ansawdd uchel.
Byddwch yn derbyn mentora busnes arbenigol
Nid dim ond ar gyfer graddedigion y mae datblygiad personol a phroffesiynol. Rydym yn gweithio â Global Welsh i baru busnesau sy’n tyfu ac sydd â dyheadau â mentoriaid profiadol ledled y byd sydd eisiau darparu’u harbenigedd a’u cynghorion i helpu busnesau i dyfu/lwyddo. Byddwn yn rhoi’r cyfleuster “MyMentor” hwn ar gael AM DDIM am 12 mis i bob busnes sy’n penodi person graddedig.
Gyda phwy rydym yn gweithio
Rydym yn gweithio ag amrywiaeth o fusnesau a sectorau ledled y rhanbarth, yn gyfan gwbl o ficro fusnesau bach a chanolig i gwmnïau rhyngwladol mawrion.
Tystebau
Roedd y broses yn llyfn iawn, ac fe’i gwnaed hi’n hawdd inni o’n cyfarfod cyntaf lle y gwnaethoch egluro’r cynllun drwy ddatblygu’r swydd-ddisgrifiad, proffilio sgiliau ac wedyn dethol ymgeiswyr. Fel busnes bach a chanolig, nid ydym yn cymryd rhan yn y farchnad swyddi i raddedigion yn aml iawn, ac nid oes gennym yr adnoddau mewnol a’r cysylltiadau i ddatblygu a gweithredu’r math hwn o broses recriwtio. Drwy weithredu popeth ond y cyfweliadau terfynol, fe wnaethoch arbed oriau lawer o waith inni, gan ein galluogi i ryddhau staff allweddol i ganolbwyntio ar eu swyddi beunyddiol. Gwnaeth cyrhaeddiad hysbysebu a bri Prifddinas-Ranbarth Caerdydd alluogi ymdreiddiad llawer dyfnach i’r gronfa o raddedigion na fyddai fel arall wedi bod ar gael inni, ac felly fe wnaethom gwblhau’r broses gyda rhestr fer gref o ymgeiswyr. Y canlyniad yn y pen draw yw penodi person graddedig tra galluog, a leolir yn lleol ac a fydd, rydym yn gobeithio, yn cynorthwyo’n cynlluniau tyfu i mewn i’r 2020au.
Gareth Davies, Cyfarwyddwr Adeiladu, Knox & Wells
Byddwn yn argymell Cynllun Graddedigion Prifddinas-Ranbarth Caerdydd yn fawr iawn. Roeddem wrth ein bodd wrth chwilio am berson graddedig i ymuno â’n tîm rhyngwladol ar gyfer y swydd swyddog gweithredol masnach ryngwladol. Gofalodd Geraldine a’r tîm am y broses recriwtio gyflawn, gan hidlo ceisiadau’n ofalus i sicrhau bod gennym amryw o ymgeiswyr delfrydol i’w cyfweld. Unwaith yr oedd wedi’i benodi, roedd y person graddedig a’r busnesau’n elwa o ôl-ofal ardderchog, gyda hyfforddiant, cymorth a chyfleoedd i’r ymgeisydd i wella’i yrfa. Proses hollol ddidrafferth gyda chanlyniad ardderchog i’r busnes. Diolch i Geraldine a’r tîm.
Jo Price, Cyfarwyddwr Masnach Ryngwladol, Siambr Fasnach De Cymru
Marcus – mae’r ymgeisydd y gwnaethoch ei ganfod inni yn gweithio’n dda iawn. Yr hyn sy’n fendigedig am y broses rydych yn ei chynnig yw ei bod yn rhoi cyfle inni eich holi am rinweddau’r person cyn inni gyfarfod â nhw. Roedd gallu eu gwylio’n rhyngweithio fel grŵp yn wych. Mae’n eich helpu i ystyried o bellter pa rinweddau sydd ganddynt cyn symud i’r cam nesaf. Byddwn yn argymell bod cwmnïau eraill yn rhoi cynnig ar eich cynllun – mae’n rhad ac am ddim, mae’n swnio’n rhy dda i fod yn wir.
Jon Dormer, Prif Swyddog Gweithredol, Unisan
Mae Fforwm Busnes Pen-y-bont ar Ogwr wrth eu bodd o gymeradwyo Cynllun Graddedigion Prifddinas-Ranbarth Caerdydd. Bydd y myfyrwyr yn ennill profiad uniongyrchol ac yn gwella’u sgiliau i gael cyflogaeth ar gyfer y dyfodol. Mae’r cyflogwyr yn elwa o gael cefnogaeth lawn y tîm ym Mhrifddinas-Ranbarth Caerdydd a hefyd y rhagolygon o recriwtio rhai o’r myfyrwyr mwyaf dawnus a galluog sydd ar gael.
Mary Pope, Cydgysylltydd Rhwydweithiau, Cyngor Bwrdeistref Sirol Pen-y-bont ar Ogwr
Mae Cyngor Bro Morgannwg wedi bod yn gweithio â Chynllun Graddedigion Prifddinas-Ranbarth Caerdydd ers ei ddechreuad er mwyn gallu cynnig pob cyfle sydd ar gael i fusnesau lleol pan fônt yn ceisio tyfu. Mae’r cynllun wedi’n galluogi i ymgysylltu â busnesau nad oeddem wedi ymgysylltu â nhw’n flaenorol, drwy gynnal digwyddiad ar y cyd. Tra bod yr wybodaeth rydym yn ei rhannu o’r cynllun wedi golygu y gallwn sicrhau bod busnesau’n gallu ystyried gwahanol ffyrdd o recriwtio aelodau staff newydd, hynod fedrus fydd, yn ei dro, yn dod â mwy o wybodaeth i mewn i’n hardal leol. Mae’n wych o fod wedi gallu rhannu gwybodaeth hollol gyfoes y mae’r cynllun wedi’i darparu drwy e-bost i’n cronfa ddata ond hefyd drwy’n sianeli cyfryngau cymdeithasol sydd wedi sicrhau mwy o gydweithredu’n rhanbarthol.
Natasha Davies, Cyngor Bro Morgannwg
Cofrestrwch eich diddordeb
Cysylltwch, os gwelwch yn dda, â laura.carter@cardiff.gov.uk / geraldine.osullivan@cardiff.gov.uk neu cwblhewch y ffurflen isod: